Admin
المدير العام
عدد الرسائل : 115
تاريخ التسجيل : 05/04/2007
 |  موضوع: ابيات من الدارمي العراقي  الجمعة مايو 11, 2007 8:56 am | |
| غالي وحلو ياناس ومن عسل دمة ... ومن عين كل البشر ياربي سلمـــــــة
كون الله واهل البيت وبهل المسيه ... جيت حبيب الروح وطبته عليه
الخوه خوه اشلون ماردت اخـــوتك ... لو عله جرح تيزاب وتمنه مـــوتك
بالسجن واتحداك يالنذل وينك ... للموت اظل بسمار نابت بعينك
اتمن عركه تصير فوك من اهلنه ... ويطلع حبيب الروح ويباوعلنه
انهجم بيته النام واغمضت عينه ... ساعه على ساعه ايزيد نوحه ونينه
لاتظن حي وانساك وبكلبي رسمك ... اسمي الثلاثي انساه وما انسه اسمك
لا ظل عقل لا روح من فاركتني ... صدكني روحي تعود كلمتني
اريد اسئل اهل الريف واهل المدينة 0000ليش السواد ايلوك للوكحة عينة
كافي يصاحب عاد غدرك بالضلوع ... اضحك كبال الناس وكليبي مشلوع
حبك يبعد جلاي عشعش بالضلوع ... وكل لحظة من فركاك هالكلب موجوع
تـيزاب احـط بلعـين واعميــها بجفـاك ... خـافـن تـصـد للغـيـر وتـنـسى المـضىويـاك
حجيك جرحنه وحيف منك سمعناه ... كلب اليحبك ليش تقسي انته وياه
ياكلب بسك توب المن تعاتب ... ماشفت طيب ذات وياك صاحب
حبك سكن بالروح وبكل الانفاس ... حرمت ما انساك لو شيب الراس
لا تضن يوم انساك وبتعد عنك ... تدري الكلب يهواك من زغر سنك
لوراح عطر الوفه عطرك ظل يفوح ... وشماطال بينا البعد ساكن تظل بالروح
ياربي لك شكواي من ذني الجروح ...عجل شفاهن عاد لو تاخذ الروح
اشلع رموش العين واخيط جروحك .. ونتبادل اني وياك روحي عله روحك
مدري الزمان شبيه ورطني وياك ... لا اكدراوصل ليك لااكدر انساك
حيـــــــل ألك مشتاق مدري شبلاني ... حبك سكن بالروح ماقدر أتاني
فدوة لعيونج بس كليلي بــسمج ... اسمي الصبح ولهان وباليل احبج
حرموني نوم الليل رادوني انساك ...خافو انام اليل وبنومي الكاك
كون الصداقة اتصير مثل السياسة ... حتى اليخون ابساع ينكطع راسة
خاف الله يبن الناس واسأل علية... صارن ثلث تيام شنهي القضية
"""""""""""""""""""""""""""""""""""""""""""""""""" """""""""""""""""""""""""""""""""""""""""""""""""" ""
"
يا ربي رب الكون رب البرية ... تخلص شعبنا بساع من هالبلية
بغداد ترة بلياك ماتسو كلشي - تضوي بسواد الليل من بيه تمشي
صغير واخاف عليك من حضن امك .. بكلبي واكول بعيد جا وين اضمك
بنت الرصافه شلون عذبني الفراك .. دليمي وسباني الظيم وللملكه مشتاك
ماناسي طيبك ذاك لا فضلك انه ... ابوسط الكلب يفلان حبك مكانه
لو تدري بيها الروح هامت بلياكميت .. جسد ظليت يحيني ملكاك
هم همي هم الناس هم هم الايــامجمالة حتة العين مالتقبل اتنام
يوم اللك يوم اعليك ها طبع دنياكلاتنسة صاحب جان كل عمرة ويــــاك
كطعني بيدك وصل وشيعني بعد الموت لو مرخيالك خطف اطفر من التابوت
يل الكاضم ارد لنخاك يابو الجوادين تفضحه بين الناس ال حبت اثنين
ردتك ضخر للدوم ردتك عضيديردتك تحسن الشيب من ترعش ايدي
يا ريت الزمن ينعاد و نرجع حبايبافتركنةوحنةصغاروهسةانا شايب
الاخوة بالشدات تتحزم حزامواخوتي وكت الضيم تتغطى وتنام
ارد امشي للعباس وابجي بظريحهوكله تجمعني بالاحباب وقلبي تريحه
لطم وجثث ونوح صارت علينه دنينا بس هموم تمطر علينه
يل شايله المحمول هم الكلب من شافج كون انكلب جلمت الو وما أفارك اشفافج
ابجي وأون اهواي ونه اعلى ونهفدوه عزيز الروح بس رد لهلنه
بس رد لهلنه اشبيك انه ارد اشوفكوالله امن اجلب بيك مابعد اعوفك
دارين الك بلروح دار اعلى من دارشوق ومحبة وطيب وبكيفك اختار
للغربة لامنريد صدكني كلنة رد ياغريب الدار بغداد جنة
شوف شتهمل وياي تريات اديه ... خليته مثل الطير انكلب حيه
يافلان اطلبك دين كوم انطيني ديني ... هم ليلي هم شتاي هم دمع عيني
اهلا وسهلا بيك وبجيتك هاي ... وبالسمه حتى الطير هم رحب وياي
البغداد اتعناك لو تمطر ارهاب ... واخذ تحيه اوشوك يم عتبت الباب
حلو الوطن يحباب رايتنة وحدة ...ايد وي ايد انسير كلحنة ولدة
سنة وشيعة اخوان رغم الجرة وصار ... ونبقى احنا ايد بايد مهما الزمن دار
عل الوطن دارت ليش حفنة سجاحين ... ثق الحصل ما صار لو احنه صاحين
الوطن مو بركان نار الله بالكاع ... يحرج غضه الداسوه والبينه لوباع
يابن العراق الكاع تعرفها امك .... لوما عزيزة عليك ما رخص دمك
بوكت الحرج يا حيف نامت ضماير ... ياجرح اشلن بيك ياوطن حاير
وعراقنا بركان من يحمه يثور ... ويخلي الأمريكان كلهم بالقبور
كل دكة كلبي يصيح باسمج يحلوة ... خليني اشوفج يوم مو كافي قسوة
خليه سكتة وياك بس تحجي افضحك ... يلتاجرت بهواك جا شنهي ربحك
بس احنة وكت الضيج خوتنة زينه ... نمتد جسر للناس تعبر علينه
لعيونك الحلوات بس اكتب اشعار... حتى الكمر بليل من عدهن يغار
تريله ألك بوسات تحملها العيون ... حضر عشر عمال بس للينزلون
يا عمي والعباس حلوة الليالي ... والاحله من كل هاي انته اعله بالي
سالم عساك بخير عين الله ترعاك ... تبعد ودور أعليك وبكلبي ألكاك
ولكعبه ما أنســـاك للموت أهم بيك ... لو بيدي أفك أحشـــاي وبنصهــا أخليك
لحكولي طحت بضيق.. يهل العماره ... دليمي خله العين .. دم تجاره
ارد اكعد انه وياك ونصفي الحساب ... لو هيه فركة موت لو نرجع احباب
ليلي يمر سهران أتمنه ملكاك ... ومعارك ويه الروح ما ترضه تنساك
كلك شمع مناك سلم عليه ... خايف عليك تذوب مابين اديه
هم خصر هم خدود هم شفه حلوه ... شوف الجمال منين شو عمي بلوه
منا شتاك الك يهواي كلي اشتعل نار وتعنه الك باليل لو تمطر حجار
اتمنة للطلاب كلهم ينجحون – لان حبيب الروح ويه اليدرسون
كلمااكول انساك ارجع وحبك...مثل الزرع والماي كلبي ويه كلبك
اكعدواسوالف بيك واتمنه اشوفك*** وشماعملت وياي لتظن اعوفك
حبتك هاي الروح ماتحب غيرك ... اتمنه يمي اتصير واشتم عبيرك
اتمنة روحي شموع وتحظر بعيدك ... وتكتب على الكيك احبك واريدك
أصــفــن وأحاجي الـروح ويـن احــنه جنه ... هــم تـرجـع الايــام ويــلـتـمشـمـلـنا
صدكني اصيرن غيم وامطرلك عيون ... وفاي الك يا صاح للخوه ممنون
الوكت وكت المال مو وكت الاطباع** حتة اليلم الطيب لاهل الطمع باع
تدري شوكت انساك يا اغلة الاحباب ... لمن يجيني الموت وتغطة بتراب
بيض الخصل بالراس والله وكبرنه ... لاراحه لاافراح شفنه بعمرنه
كافي الزعل يهواي خل نرجع احباب ... كل الجروح تطيب وي دكة الباب
اتـمنى طيرة الروح واوصـل واحاجيك ... واكعد وحط الهمـوم يمـك وابجيــك
دكتور بالله عليك جيت انه انشدك ... عند الحبيب ادواي هوه لو عندك
ما يصح عندي ادواك حتى انه اداويك ... دور حبيبك وين هوه الي يشفيك
طبع الجذب موبيك وادري انته وافي ... توصلني حتى زحوف لوطال التجافي
يا حلو ارد انخا يا ماي العيون..تكدر تصد عيناك للماينشدون
خشبه بوسط نهرين اطفح واغطن _ لو بيدي اطيرن فوك يمك واحطن
اهديلك الدلال وياه العيون ... ولو بيه اني قصور انتم تعذرون
لوكلبي لحظة وياك خان بمعزتة ... ازرعلة ست عبوات واشعل صفحتة
كلبي انا المجروح وينزف من الهم-كل المصايب دوم علية تلتم
يابن العراق الكاع تعرفها امك .... لوما عزيزة عليك ما رخص دمك
هم قهر هم لوعات والظلم عادي ... بس ذبح مو معقول صارت ابلادي
صبح ومسه يهواي بس اريد اشوفك ....لمن اصل للدار ارجع وعوفك
شاري الحنينك دوم موش انة بايع ... وصدكني وبلياك كل عمري ضايع
ادري الكلب وياي بس روحي يمكم ... واليجري بلشريان مو دمي دمكم
يسألني ملك الموت روحك شجاها كتله حبيب الروح كبلك خذاها
الدنيا بس وياي ممشاها مقلوب....وصبر الصبرته عليك زاد اعله ايوب
كلمن يكول انساك ينهجم بيتة ... ويضحك عليك الكال اسمك نسيتة
يا عراق انهض كوم و أسند علينا...بدموعنا نسكي اليبس و نشيلك بدينة
وي عيني انته تنام لو اصحه تصحه ... وحبك ثبت بلروح مايوم امسحه
اريد ابجي بل عباس ولطم بل حسين..... ماحصلت من هواي بس دمعت العين
يا صاحب ارد انخاك تترك حبيبي ... بعد الملح والزاد تنكرلي طيبي
عيون العراق أعيون من أحلى لعيون ... فن وأصاله وخير بس عدنـــــا تلكون
هذا الوكت دولاب يفتر ولا يدوم... كضيت العمر وياك بس احسب هموم
حاولت ادز الروح شو روحي بيدك ... ودمي تركني وراح يمشي بوريدك | |
|
