[center]سميتك محنة وعاطفة واشواك *** لهو اتكضي وكت شتريد سميني
واخذ شتلة غرامك يا عشك يا شوك *** بس عاكول صدك ينبت بطيني
دخليني اعلى بختك انة ما مجبور *** بيدي انحت صورتك و الدمع مال عيني
ليش اطلع شمس وادري انتة طبعك ماي *** وتصعد غيم مني وتوكف بعيني
بلبل وبقفص لتحطني بالبستان *** يا غصن اليميل بنار يجويني
دحاجيني بطلعتي البير طبته اتهون *** اموت اطلع عدل لتكلي رويني
كبرت اعلى العشك يل مرودك سجين *** شلي بكحلة غرامك كون تعميني
العشك عندي عشك ما عندي هيج وهيج *** اتانيك واجيك وما تتانيني
ولو حسبة حلم طيش الشباب ايعود *** امجتفني الوقار وما يخليني
درت عيني اعلى نيتي وشفت ظلك فات *** وعلى طينة خيالك غمست عيني
موضوع: تكبــــــــــرت ع الحب ..؟ لو رايد تنســـــــــاني ..؟ 
الجمعة مايو 04, 2007 8:21 am
